— كليوز جاردن مش مجرد زيت زيتون. دي قصة. فكرة اتزرعت، واتروت، واتعصرت، واتحطّت في ازازة… علشان تخرج للعالم وتقول: “دي مصر.”

في فوود اكسبرتس، لما اشتغلنا مع شركة الدقهلية، ما كناش بنعمل تصميم لبراند… كنا بنتعاون عشان نعمل حاجة تشرف بجد.

سألنا نفسنا:

لو كليوباترا عايزة حاجة صحية نقية… كانت هتاكل إيه؟

أكيد مش أي زيت. كانت هتختار زيت طالع من أرضها. زيت يشبه مزاجها. زيت يستاهل يتكتب عليه: “من حدائق كليو”.

ومن هنا، اتولدت فكرة كليوز جاردن اسم، وشكل، وطابع ملكي.

 

زيت مصنوع من أجود شجر الزيتون، بعناية حقيقية، من أول الارض لحد ما يتعبى.

وحتى التصميم..

مفيهوش عنصر واحد جاي صدفة.

ازازة طويلة ورفيعة، بلون أخضر مطفي يوحي بالهدوء والرقي.

الخط الذهبي ناعم، مرسوم بالإيد بدقة، وفيه إيحاء واضح بالفخامة.

التفاصيل الصغيرة، من أغصان الزيتون اللي حوالين الشعار، لرسمة الأرض والحصاد تحت، كلها بتحكي عن أصل الزيت، مش بس شكله.

المنتج طالع من مصر… لكن مكانه الطبيعي على رفوف أوروبا.

ودي مش جملة تسويقية، دي رؤية.

كليوز جاردن اتعملت علشان تتعرض في كل سوبرماركت في باريس، ميونخ، أو أوسلو، ويخلي المستهلك الأوروبي يمسك الازازة ويسأل: “مين عمل دا، انا باخبها اوي

 

 

والإجابة؟

فريق فوود اكسبرتس مع شركة الدقهلية.

ناس بتحب الشغل، وتفهم في البراند زي ما بتفهم في الطعم.

ناس قررت إن المنتج المصري مايبقاش “محلي محترم”، لأ… يبقى عالمي يشرف.

كليوز جاردن مش بس زيت زيتون…

كليوز جاردن هو إزاي مصر ممكن تحكي حكاية جديدة… بلغة راقية، وهوية مش متصنعة.