لما شرفنا المحترف، المهذب، الطموح سامي الأنصاري، مؤسس Spuds، مكتبنا في Food-Xperts ، كانت عنده رؤية واضحة. شركته بالفعل شغالة بكفاءة في قطاع الـB2B والتصدير، وبُنيتها الصناعية كانت مصممة علشان تشتغل بطاقة إنتاجية ضخمة في صناعة غذائية وصناعات وسيطة معيّنة.

بس البنية دي، بكل قوتها، كانت محتاجة منتج للمستهلك.

سامي كان شايف إن القوة الصناعية دي ممكن تتحوّل لعلامة تجارية استهلاكية (B2C) قوية في السوق المصري.

وقتها، الفكرة المطروحة كانت إطلاق خط شعيرية (glass noodles).

والمطلوب منّا كان نعمل “استراتيجية دخول سوق” (Go-To-Market).

لكن في Food-Xperts، إحنا بنبدأ دايمًا من الأول…

مش بالخطة، لكن بالدراسة و تأصيل الاستراتيجية

فبدل ما نبدأ في التنفيذ، رجعنا للمربع صفر… وبدأنا دورة استراتيجية كاملة.

المرحلة الأولى: إعادة التفكير في المنتج

بدأنا بتقييم شامل للفئة المطروحة (Glass Noodles) على مستويين:

الاتجاهات العالمية:

حللنا الطلب في السوق العالمي و أسواق مشابهة، واتجاهات النمو، وأنماط الاستخدام.

حجم السوق المحلي:

رسمنا خريطة للسوق المحتمل للمنتج في مصر، ومدى جاهزيته.

تحليل المنافسة:

درسنا اللاعبين الحاليين، تسعيرهم، ومناطق التميز أو الفجوات

دراسة المستهلكين:

بناء شرائح مفصلة للسلوكيات والمواقف تجاه منتج متخصص زي ده، سواء عند المستهلك النهائي أو في قطاعات الـHORECA.

لكن اللحظة الفارقة ماكنتش في السوق…

كانت في التحليل الداخلي.

اكتشفنا وقتها إن البنية التحتية اللي سامي بنى بيها شركته، سواء من خطوط إنتاج، أو خبرات، أو نظم تشغيل، أكبر بكتير من فكرة زي الشعيرية الزجاجية.

الإمكانات دي كانت بتنده على مشروع أكبر، سوق أوسع، وفئة منتج تليق بطاقة شركة بتعرف تشتغل على مستوى عالمي.

 

المرحلة الثانية: التحول نحو شيبس “كرافت” عالي الجودة

رجعنا نرسم الخريطة من أول وجديد، وطرحنا فكرة:

منتج سناكس فاخر – شيبس يُطهى بجودة عالية.

الفكرة مكنتش صدفة…

اشتغلنا عليها بنفس المنهج العلمي:

المشهد العالمي:

حللنا علامات الشيبس “الكرافت” حول العالم: نكهات، قوام، تغليف، وقصص البراند.

خريطة السوق المحلي:

• حجم السوق

• نقاط القوة والضعف عند المنافسين

• سلوك المستهلك على الرف

• فرص التميز

دراسات المستهلك:

عملنا اختبارات طَعم “من غير ماحد يعرف العلامة التجارية .. طعم و بس”، مجموعات نقاش، اختبارات طعم وملمس و ريحة و لونز

وتم استيراد عينات عالمية علشان نقيس استعداد الناس تدفع وتجرّب.

 

المرحلة الثالثة: من الفكر للتنفيذ

بعد ما جمّعنا الصورة، رسمنا خريطة الطريق لسامي وفريقه:

• تجزئة السوق واستهدافه (STP):

حددنا فئات الجمهور المثالية، و اخترنا ان البراند يبقى جريء، عصري، بنكهة مختلفة.

• بنية المنتج:

حددنا تشكيلة الـSKUs، النكهات، وأحجام التغليف المناسبة.

• رؤية البحث والتطوير (R&D):

صممنا دليل توجيهي لفريق التطوير بناءً على أبحاث المستهلك.

• استراتيجية التسعير:

اختبارات تسعير علشان نحقق توازن بين القيمة والانطباع والسوق.

• خطة دخول السوق:

خط سير التوزيع، قنوات البيع، أول عملاء مستهدفين،.

• خريطة الإطلاق:

من شكل المنتج على الرف، لحد أفكار التفاعل مع الجمهور.

• العلامة التجارية:

اقترحنا أسماء واتجاهات هوية بصرية، لكن التيم الداخلي بالشركة أبدع ووصل لاسم SPUDS – اسم مبدع ، ممتع، ومرتبط بالمنتج نفسه.

 

ميلاد SPUDS

بعد ما الخطة اتبنت، تولّى سامي وفريقه القيادة الإبداعية ببراعة.

:SPUDS ماكانتش بس اسم… كانت منهج إدارة

• رؤية جريئة مع التزام تشغيلي

• فريق عالي الكفاءة من R&D للتسويق للإمداد

• قرارات مبنية على أرقام حقيقية مش إحساس

• قيادة مبنية على ثقة، وسرعة، وانتظام

و الأهم من ده عقلية مرنة تعشق العلم و تقدره

انتوا متخيليين رجل اعمال عنده فكرة منتج يغيرها تماماً لما الدراسات وريته اتجاه افضل

 

النتيجة: قائد سوق جديد

النهاردة، SPUDS بقت واحدة من العلامات التجارية الأقرب لقلب المستهلك المصري في فئة السناكس..

بس القصة مش عن شيبس…

القصة عن إنك تشتغل بالعلم و تعرف امكانياتك، وتبني منتج يرتقي ليها.

وفي Food-Xperts، فخورين إننا كنا جزء من الرحلة دي.

من أول سؤال… لحد ما حددنا ايه المنتج اللي هيكون على الرف.

كده بتتولد الاستراتيجيات اللي بتعيش.